فطاير الضيافه لاتفوتكم ----- رهيبه------- وبالصور بعد

جايبه لكم خوش فطاير وعجينتها رهيبه تاكلينه والصحن وراها هاهاهاهاها
اضحك معاكم بس جربوها وكتبوا لي رايكم انا ذقتها عند بنت عمي واخذت الطريقه لكم

المقادير:
4 اكواب طحين فاخر
8 ملاعق طعام حليب باودر
2 فنجان سكر
2 فنجان زيت
2 ملعقة بيكنج باودر
2 ملعقة خميرة فوريه
1 ملعقة ملح
1 ونصف الى كوبين ماء للعجن

الطريقه:

تعجنين العجينه وتخلينها ترتاح تقريبا نصف ساعه
ومن ثم تشكلينها مثل ما تبين بس تراها وايد تنفخ في الفرن يعني وقت ما تشكلونها تكون قطع صغيره
ممكن تبرمين العجينه وبعدين تلفينها من جهة اليمين ومن جهة اليسار وتحطين في جهة بازلا والجهة الثانيه جزر او زيتون وتمسحين العجينه عقب ما تشكلينها بشوية
بيض وفانيليا
اخليكم مع الصور علشان تحكمون