( مدخل غرامي)

( مدخل غرامي)


القلب شال الحب والحب شاله
مدخل غرامي و الأحاسيس حوله
وضاع الفكر مابين حالة و حالة
و أسهل حلوله صارت أصعب حلولة
الحسن لي يفرض علينا سؤاله
كيف الربيع امتد لأربع فصوله
كيف ابتداه الحسن ثم انتهى له
يا لين حتى الحسن منه خذوله
و أنا تخيل في خيالي خياله
فرصة عمر تحت ابتسامة طفولـة
غر‍ صفا حسنه و قلبي صفاله
سهل التمني بس صعب وصالة
يحتار فيه اللي يوصف دلاله
ويهين به لي عن جماله حكوله
يخجل جماله من صفاوة جماله
و يغيظ ربات العيون الخجولة
يمشي معاهم بس كنه لحاله
معهم ولكن كن هم لي مشوله
و اللي تعرض في مرامي نباله
والـله ما يكسب ولا ربع جوله
عادل ولكن ما برموشه عداله
يظلم مجبينه برمشه و طوله
أصلاًََ جنوني بس في حب خاله
وشلون لا باوصف تفاصيل زوله
إن قال صدي...قلت: لـله قاله
وان قال وصلي قلت: بالـله قوله
هذا الذي قلبي من الشوق شاله
مدخل غرامي و الاحاسيس حولة



كلمات:فزاع

أتمنى تعجــبـــكم

مشكورين على المرور الطيب نورتو الصفحه